Nánar um Sögu og heimspeki
Fyrir jógakennara og aðra áhugasama
Þetta námskeið fer alfarið fram í gegnum netið. Við förum yfir sögu og heimspeki jóga frá gömlu Rig Veda ritunum og allt að upphafi hatha yoga. Við skoðum tvö þekktustu ritin vel, Bhagavad Gita og Jógasútrur Patanjalís, en skoðum einnig valda kafla úr Rig Veda og Upanishad. Við skoðum Mimamsa heimpekina, Samkhya heimspekina, Jógaspekina og Advaita Vedanta. Við rennum í leiðinn yfir söguna frá um það bil 1500 fyrir okkar tímatal og til ársins 1000. Þetta er stórt og mikið efni sem aldrei næst að klára, en við náum vonandi að gefa nokkuð góða mynd af því.
Skipulag
Laugardagur 11. apríl 2026 kl 12:30: Stuttur fundur á Zoom þar sem við kynnumst og förum yfir uppsetningu námsins. Við skoðum hvernig kennsluefnið er sett upp. Sett verður fyrir eitt létt verkefni til að ræða á Zoom næst þegar við hittumst. Þetta er létt verkefni, meira eins og vangaveltur. Við kveðjumst og hvert og eitt hellir sér í námsefnið. Það er hægt að nota helgina vel, eða hlusta yfir alla vikuna.
25. apríl 2026 hittumst við á Zoom kl 12:30 - 14:00. Við förum yfir efni fyrirlestranna sem við hlustuðum á síðustu tvær vikur í formi spurninga og svara. Við ræðum fyrra verkefnið sem er sett fyrir á námskeiðinu og fáum næsta verkefni í hendurnar. Og við opnum seinni hluta kennsluvefsins.
9. maí 2026 hittumst við svo í síðasta sinn á Zoom og förum yfir seinni hluta kennsluefnisins. Við gefum okkur tíma fyrir spurningar og svör og endum svo samveruna okkar. Þau sem stefna á 300 tíma framhaldsnám þurfa að hafa skilað inn þessum 2 litlu verkefnum sem voru sett fyrir.
Fyrirlestrarnir hafa allir verið teknir upp fyrirfram og það er hægt að horfa á þá þegar vel stendur á. Einnig eru þeir flestir í mp3 formi og gott að hlusta á þá á göngutúr dagsins.
Stærstan hluta efnisins efnisins er einnig að finna á pdf skjölum sem hægt er að niðurhala og eiga.
Aðgangur að námsvefnum er opinn þátttakendum í 6 mánuði.
Staðfestingar á þátttöku / skírteini verða send út á pdf formi.
Þú færð aðgang að:
- 20 tímar af fyrirlestrum sem þú horfir á þegar þér hentar - opnir í 6 mánuði
- 8 tímar af jóga (16 x 30 mín) - opnir í 6 mánuði
- Kynningarfundur í upphafi og svo 2x90 mín Zoom fundir
- Handrit af fyrirlestrum í pdf formi
Verð kr. 35.000.- greiðist við skráningu.
Skráning fer fram gegnum amarayoga@gmail.com.
Síðasti skráningardagur er föstudagurinn 10. apríl.
Þetta námskeið telst sem CE einingar hjá Yoga Alliance (30st) og er einnig hluti af 300 tíma framhaldsnámi Amarayoga.
Kennari: Ásta María Þórarinsdóttir, E-RYT500
