Framhaldsnám og námskeið
Hér að neðan finnur þú námskeið sem hægt er að taka ein og sér en einnig sem hluta af 300 tíma framhaldsnámi á vegum Amarayoga. Námið er samþykkt af Yoga Alliance (www.yogaalliance.org) og Jógakennarafélagi Íslands (www.jogakennari.is).
Framhaldsnámið hefur verið endurskipulagt. 300 tíma námið er sett saman úr fimm 60 stunda námskeiðum. Stundum verður boðið upp á styttri námskeið, sem gilda sem CEU einingar en ekki endilega sem hluti af framhaldsnáminu.
Ef þú hefur lokið námskeiði sem samkvæmt nýja skipulaginu er hluti af námskeiði, hafðu samband. Ekkert hefur breyst annað en samsetningin og allt sem er búið er metið.
Amara nídra (50 stundir)
Hefst í janúar 2026
Fyrir jógakennara og aðra fagaðila sem vinna með fólk.
Jóga nídra er mögnuð aðferð til að hjálpa fólki við að ná djúpri slökun. Í þessu ástandi, milli svefns og vöku, er svo mögulegt að vinna með allskonar hluti sem geta verið að plaga fólk, svo sem streitu, óöryggi og ýmislegt annað, smærra og stærra. Þar fyrir utan eru tímarnir bara yndisleg slökun og góð leið til að hjálpa fólki við að ná góðum nætursvefni.
Námið hefst 10. janúar 2026 og lýkur 1. mars 2026.
Síðasti skráningardagur er miðvikudagurinn 7. janúar 2026.
Verð kr. 115.000.- og skal greitt við skráningu.
ATH að einungis verða teknir inn 12 nemar!
Skráning fer fram gegnum amarayoga@gmail.com.
Heimspeki jóga (ca 25 stundir)
Vor 2026
Þetta námskeið fer fram í 2 hlutum í gegnum netið:
Fyrri hlutinn fjallar um ræturnar og jarðveginn. Við kynnumst Vedunum lítilsháttar og skoðum valda kafla úr Upanishad ritunum. Loks skoðum við vel eitt þekktasta rit innan jógaheimsins: Jógasútrur Patanjalis.
Seinni hlutinn fjallar um heimspekina á bak við Advaita Vedanta hefðina, Bhagavad Gita, Brahma Sutra og Upanishad. Við kynnumst einnig Shankaracharya sem á heiðurinn af þessari hefð.
Nánari upplýsingar fljótlega.
Jóga og ayurveda (60 stundir)
Haust 2026
Í þessum hluta skoðum við hin fornu fræði ayurveda og hvaða hugsun liggur að baki þeim. Við skoðum hvernig ayurveda skiptir fólki upp í mismunandi líkamsgerðir og hvernig mismunandi líkamsgerðir þurfa mismunandi lífsstíl, mataræði og annað. Mismunandi líkamsgerðir þurfa líka mismunandi nálgun á jóga. Við skoðum þetta forna, heildræna kerfi, skoðum sögu þess og hvað við getum nýtt okkur af viskunni í dag. Við æfum okkur svo í að setja upp tíma fyrir hinar mismunandi líkamsgerðir, vata, pitta og kapha.
Nánari lýsing kemur hér inn á síðuna þegar dagsetningarnar eru komnar og skráning hefst.
Ásta María Þórarinsdóttir, E-RYT500, YACEP og ayurveda lífsstílsleiðbeinandi frá American Institude of Vedic Studies, kennir grunn ayurveda fræðanna og hvernig mismunandi jóga hentar mismunandi líkamsgerðum.
Íris Thorlacius Hauksdóttir, JKFÍ-RYT-500, líffræðingur og jógakennari, mun fara vel yfir starfsemi meltingarkerfisins.
Fíngerði líkaminn (60 stundir)
Á þessu námskeiði verður farið í:
- Fíngerða líkamann okkar og hugmyndafræðina í kringum hann.
- Orkustöðvarnar, hvaðan þær koma og hvernig þær hafa þróast til dagsins í dag. Við skoðum hvernig við getum nýtt okkur þetta kerfi til eigin þroska og við skoðum hvernig við getum sett saman jógatíma með orkustöðvarnar og áhrif þeirra í huga.
- Mismunandi hugmyndir um andann (heimspeki) og hvernig mismunandi hópar hafa nálgast hann í gegnum tiðina.
- Hugleiðsluaðferðir og hvernig við getum leitt hugleiðslutíma.
- Pranayama, sem öndunaræfingar og sem lífsorku. Hvernig pranayama nýtist við hugleiðslu.
Nánar síðar.
Mantramarga - leið möntrunnar (60 stundir)
.png)
Þetta námskeið hét áður Tantrayoga, en vegna tenginga í huga fólks við "neo-tantra" og kynlíf hefur nafninu verið breytt í Mantramarga, eða leið möntrunnar. Hér er á ferðinni námskeið um hefðir Indverja á tímabilinu í kringum 400-1200. Á því tímabili komu margar nýjar hugmyndir inn í heim jógans. Ritin sem geyma lýsingar hefðanna eru ýmist kölluð töntrur, agömur eða söfnin (samhitas).
Á þessu námskeiði skoðum við þessar hugmyndir og hvernig þær hefur þróast til dagsins í dag. Tantra var oft kallað "Leið möntrunnar" þar sem möntrur spila svo stórt hlutverk í aðferðunum. Við skoðum stækkun samkhya sköpunarkerfisins, innvígslur og fyrirferðarmiklar athafnir. Á þessu tímabili birtast gyðjurnar sem kvenhlið almættisins. Þær birtast sem shakti, eða kraftar.
Við skoðum hefðina eins og hún var og eins og hún hefur skilað sér til okkar í dag. Við skoðum möntrur og tilgang þeirra, yöntrur og tilgang þeirra, hvað puja er, diksha ofl. Við skoðum hvernig orkustöðvarnar voru upphaflega hugsaðar og hvernig við getum nýtt okkur þær við hugleiðslu. Við kynnumst gyðjunum, matríkunum og viskugyðjunum 10 og hvernig þær geta hjálpað okkur ef við viljum. Og við skoðum hvernig við getum nýtt okkur þessa gömlu hefð í jógatímum dagsins í dag.
Asana (60 stundir)
Undir þennan hatt setjum við sögu hatha yoga, anatómíu og kennslutækni!
Á þessu námskeiði skoðum við hvaðan líkamlegu jógastöðurnar eru komnar. Við skoðum forsöguna, upp úr hvaða jarðvegi hefðin er sprottin. Svo skoðum við endurkomu hatha yoga á tuttugustu öldinni og mismunandi hefðir dagsins í dag. Hvað hefur breyst?
Við skoðum svo jógaæfingarnar út frá anatómíu líkamans. Við skoðum algeng meiðsli, bæði þau sem geta orðið í jógaástundun og þau sem nemendur koma með til okkar. Við skoðum hvernig má aðlaga jógastöður að mismunandi líkömum ofl.
Og að lokum æfum við kennslutækni. Við skoðum hvernig fólk lærir á mismunandi hátt og hvernig við nálgumst mismunandi gerðir af nemendum. Við æfum okkur í að setja saman tíma, vinnustofur og lengri námskeið. Við skoðum mismunandi kennslustíla og athugum hvað við þurfum að hafa í huga ef við kennum einkatíma (maður á mann). Við skoðum flóknari asönur og hvernig við getum kennt þær. Og við æfum okkur í að aðstoða og leiðrétta, bæði með orðum og höndum.
Kennarar eru Ásta María Þórarinsdóttir, E-RYT500, YACEP, Rakel Dögg Sigurgeirsdóttir, sjúkraþjálfari og jógakennari, og Íris Thorlacius Hauksdóttir, JKFÍ-RYT-500, líffræðingur og jógakennari.
Nánari lýsing þegar nær dregur.
