Námskeið haust 2026
Tímarnir fara fram að Helluhrauni 16, Hafnarfirði. Skráning fer fram gegnum amarayoga@gmail.com
Mánudagar og miðvikudagar kl 10:30
Mjúkt og endurnærandi jóga á mánudögum og miðvikudögum kl 10:30. Þetta eru tímar sem mýkja og styrkja líkamann í rólegheitum þar sem hver og einn hlustar á eigin líkama tekur tilllit til dagsformsins. Tímarnir enda á notalegri slökun.
Haustönn 31. ágúst - 16. desember 2026
Verð kr 66.000.-
Sjáðu líka verðskána hér að neðan.
Þriðjudagar og fimmtudagar kl 10:30
Mjúkt og endurnærandi jóga á þriðjudögum og fimmtudögum kl 10:30. Þetta eru tímar sem mýkja og styrkja líkamann í rólegheitum þar sem hver og einn hlustar á eigin líkama tekur tilllit til dagsformsins. Tímarnir enda á notalegri slökun.
Haustönn 1. september - 17. desember 2026
Verð kr 66.000.-
Sjáðu líka verðskrána hér að neðan.
Föstudagar kl 12:00
Mjúkt og endurnærandi jóga í hádeginu á föstudögum. Tímarnir enda á góðri slökun og einu sinni í mánuði verður slökunin lengri með leiddri hugleiðslu (yoga nidra). Þetta eru tímar sem mýkja og styrkja líkamann í rólegheitum þar sem hver og einn hlustar á eigin líkama tekur tilllit til dagsformsins.
Haustönn 4. september - 20. desember 2026
Verð kr 33.000.-
Sjáðu líka verðskrána hér að neðan.
Miðvikudagar kl 9:15
Þetta eru tímar sem mýkja og vekja þig fyrir daginn. Þú hlustar að sjálfsögðu á líkamann og tekur tilllit til dagsformsins. Tímarnir enda á góðri slökun.
Haustönn 4. september - 20. desember 2026
Verð kr 33.000.-
Sjáðu líka verðskrána hér að neðan.
Athugaðu að ef þú missir úr tíma er velkomið að bæta hann upp með tíma á öðrum degi.
VERÐSKRÁ:
Fyrir utan verðin sem fylgja hverju námskeiði hér að ofan, geturðu valið um eftirfarandi:
Ótakmörkuð mæting alla önnina kr 72.000.-
Ótakmörkuð mæting í 4 vikur kr 22.000.-
10x kort sem gildir allan veturinn kr. 24.000.-
Stakur tími kr 3.000.-
Viltu prófa tíma áður en þú fjárfestir í heilsunni? Það er velkomið! Komdu bara og prófaðu.
Endilega lestu vel reglurnar og skilmálana hérna neðst á síðunni, því við kaup á korti telstu hafa samþykkt allt sem kemur þar fram
Amarayoga er þjónustuaðili hjá Virk, starfsendurhæfingu.
Almennar reglur
Við kaup á námskeiði teljast eftirfarandi reglur samþykktar:
- Eftir að við höfum lagt dýnuna okkar á gólfið í salnum markar hún okkar rými. Við gætum þess að stíga ekki á annarra manna dýnur.
- Enginn á ákveðið pláss á gólfinu fyrir dýnuna sína og það sama á við í búningsklefanum.
- Virðum kyrrðina í salnum og höfum hljótt fyrir upphaf og eftir lok tíma. Það er sjálfsagt að spjalla saman fyrir utan salinn.
- Margir eiga við ofnæmi að stríða og hreint loft ætti að vera sjálfsagður hlutur þar sem við ræktum líkamann. Vinsamlega virðið aðra þátttakendur og forðist að mæta í tíma með ilmefni á líkamanum. Mætum einnig hrein og í hreinum fötum til að forðast sterka líkamslykt.
Skilmálar
Við kaup á námskeiði teljast eftirfarandi skilmálar samþykktir:
- Þátttakendur gera æfingarnar á eigin ábyrgð. Tímarnir eru rólegir og geta varla talist hættulegir, en hver og einn verður að bera fulla ábyrgð á eigin líkama.
- Athugið að námskeið eru ekki endurgreidd. Rýmið er takmarkað og þegar maður hefur fest sér pláss á námskeiði eru líkur á að einhver annar hafi ekki fengið pláss.
- Engin ábyrgð er borin á verðmætum og alltaf best að koma með sem minnst af slíku með sér í tíma.
Kennari: Ásta María Þórarins M.A. E-RYT500
"Ég fór i fyrsta jógatímann minn í kringum 1980 og fór svo í kennaranám 1999. Jóga var augljóslega mín köllun og ég hef kennt alla tíð síðan. Ég hef líka alltaf haldið áfram að grípa öll tækifæri til að læra meira.
Ég er skráður E-RYT500 tíma kennari hjá Yoga Alliance og Jógakennarafélagi Íslands.
Fyrir mér snýst jóga um að kyrra hugann. Allt annað er aukaatriði. Mögulega endum við með sterkan og lipran líkama, en ef hugurinn og tilfinningarnar eru ekki í ró erum við ekki vel sett. Jóga, gert á réttan hátt, kyrrir hugann og allt verður miklu auðveldara."
