Námskeið haust 2026
Tímarnir fara fram að Helluhrauni 16, Hafnarfirði. Skráning fer fram gegnum amarayoga@gmail.com
Mánudagar og miðvikudagar kl 10:30
Mjúkt og endurnærandi jóga á mánudögum og miðvikudögum kl 10:30. Þetta eru tímar sem mýkja og styrkja líkamann í rólegheitum þar sem hver og einn hlustar á eigin líkama tekur tilllit til dagsformsins. Tímarnir enda á notalegri slökun.
Haustönn 31. ágúst - 16. desember 2026
Verð kr 66.000.-
Þriðjudagar og fimmtudagar kl 10:30
Mjúkt og endurnærandi jóga á þriðjudögum og fimmtudögum kl 10:30. Þetta eru tímar sem mýkja og styrkja líkamann í rólegheitum þar sem hver og einn hlustar á eigin líkama tekur tilllit til dagsformsins. Tímarnir enda á notalegri slökun.
Haustönn 1. september - 17. desember 2026
Verð kr 66.000.-
Föstudagar kl 12:00
Mjúkt og endurnærandi jóga í hádeginu á föstudögum. Tímarnir enda á góðri slökun og einu sinni í mánuði verður slökunin lengri með leiddri hugleiðslu (yoga nidra). Þetta eru tímar sem mýkja og styrkja líkamann í rólegheitum þar sem hver og einn hlustar á eigin líkama tekur tilllit til dagsformsins.
Haustönn 4. september - 20. desember 2026
Verð kr 33.000.-
Miðvikudagar kl 9:15
Þetta eru tímar sem mýkja og vekja þig fyrir daginn. Þú hlustar að sjálfsögðu á líkamann og tekur tilllit til dagsformsins. Tímarnir enda á góðri slökun.
Haustönn 4. september - 20. desember 2026
Verð kr 33.000.-
Athugaðu að ef þú missir úr tíma er velkomið að bæta hann upp með tíma á öðrum degi.
Ótakmörkuð mæting alla önnina kr 72.000.-
Ótakmörkuð mæting í 4 vikur kr 22.000.-
10x kort sem gildir allan veturinn kr. 24.000.-
Stakur tími kr 3.000.-
Viltu prófa tíma áður en þú fjárfestir í heilsunni? Það er velkomið! Komdu bara og prófaðu.
Endilega lestu vel reglurnar og skilmálana hérna neðst á síðunni, því við kaup á korti telstu hafa samþykkt allt sem kemur þar fram
Amarayoga er þjónustuaðili hjá Virk, starfsendurhæfingu.
200 klukkustunda jógakennaranám
Amarayoga er jógaskóli, eða akademía, sem útskrifar jógakennara með alþjóðleg réttindi. Amarayoga er stoltur meðlimur í Jógakennarafélagi Íslands, sem heldur utanum skólana hér á landi og sér um að þeir uppfylli lágmarks kröfur til námsins. Amarayoga er einnig skráð hjá og samþykkt af Yoga Alliance of America, sem er alþjóðlega samþykkt vottunarfélag. Þeir skólar sem eru á skrá hjá þeim geta útskrifað kennara sem hafa möguleika á að starfa alþjóðlega. Skráning er hafin fyrir kennsluárið 2026-2027. Við byrjum óvenjulega snemma í ár og nýtum okkur sumarið fyrir vef-hluta námsins. Hérna finnurðu allt um 200 tíma námið:
Framhaldsnám fyrir jógakennara
og styttri endurmenntunarnámskeið
Kannski hefurðu nú þegar klárað 200 tíma jógakennaranám og langar að bæta við þig þekkingu. Amarayoga býður upp á 300 tíma framhaldsnám, sem er einnig viðurkennt bæði af Jógakennarafélagi Íslands og Yoga Alliance. Þeir jógakennarar sem eru á skrá hjá Yoga Alliance þurfa að uppfylla ákveðið margar einingar af endurmenntun á þriggja ára fresti. Þessi námskeið hjá Amarayoga gilda sem endurmenntun, en þau eru einnig hluti af framhaldsnámi Amarayoga.
Þessi námskeið eru líka bæði gagnleg og fróðleg, hvort sem þú stefnir á framhaldsnám og skráningu hjá YA eða ekki. Hérna finnurðu allt um þessi námskeið og framhaldsnámið:
ANDA - LIFA - NJÓTA
Heilsuferðir á vegum Amarayoga
Stundum er bara nauðsynlegt að kúpla sig aðeins út og skipta um umhverfi. Hverfa út úr ys og þys hversdagsins hérna heima og endurnýja sig aðeins. Og jafnvel þó það sé kannski ekki alveg nauðsynlegt, þá er það að minnsta kosti alveg yndislegt.
Ferðaklúbburinn okkar, ANDA - LIFA - NJÓTA, hefur nú farið eina ferð til hinnar dásamlegu ítölsku Occitaníu. Ferðin heppnaðist ótrúlega vel og Íslendingarnir lifðu eins og blóm í eggi, einu ferðamennirnir í bænum.
Við höldum áfram, förum aftur til Occitaníu tvisvar sinnum sumarið 2026 og svo bætast mögulega fleiri áfangastaðir við. Hérna finnurðu allt um ferðirnar:
Það er uppselt í ferðirnar sumarið 2026
Almennar reglur
Við kaup á námskeiði teljast eftirfarandi reglur samþykktar:
- Eftir að við höfum lagt dýnuna okkar á gólfið í salnum markar hún okkar rými. Við gætum þess að stíga ekki á annarra manna dýnur.
- Enginn á ákveðið pláss á gólfinu fyrir dýnuna sína og það sama á við í búningsklefanum.
- Virðum kyrrðina í salnum og höfum hljótt fyrir upphaf og eftir lok tíma. Það er sjálfsagt að spjalla saman fyrir utan salinn.
- Margir eiga við ofnæmi að stríða og hreint loft ætti að vera sjálfsagður hlutur þar sem við ræktum líkamann. Vinsamlega virðið aðra þátttakendur og forðist að mæta í tíma með ilmefni á líkamanum. Mætum einnig hrein og í hreinum fötum til að forðast sterka líkamslykt.
Skilmálar
Við kaup á námskeiði teljast eftirfarandi skilmálar samþykktir:
- Þátttakendur gera æfingarnar á eigin ábyrgð. Tímarnir eru rólegir og geta varla talist hættulegir, en hver og einn verður að bera fulla ábyrgð á eigin líkama.
- Athugið að námskeið eru ekki endurgreidd. Rýmið er takmarkað og þegar maður hefur fest sér pláss á námskeiði eru líkur á að einhver annar hafi ekki fengið pláss.
- Engin ábyrgð er borin á verðmætum og alltaf best að koma með sem minnst af slíku með sér í tíma.
Kennari: Ásta María Þórarins M.A. E-RYT500
"Ég fór i fyrsta jógatímann minn í kringum 1980 og fór svo í kennaranám 1999. Jóga var augljóslega mín köllun og ég hef kennt alla tíð síðan. Ég hef líka alltaf haldið áfram að grípa öll tækifæri til að læra meira.
Ég er skráður E-RYT500 tíma kennari hjá Yoga Alliance og Jógakennarafélagi Íslands.
Fyrir mér snýst jóga um að kyrra hugann. Allt annað er aukaatriði. Mögulega endum við með sterkan og lipran líkama, en ef hugurinn og tilfinningarnar eru ekki í ró erum við ekki vel sett. Jóga, gert á réttan hátt, kyrrir hugann og allt verður miklu auðveldara."
