Tímar veturinn 2024-2025:
Þetta eru tímar sem gera daginn miklu betri!
Taflan gildir frá 2. október 2024. Hafðu samband ef þú vilt vera með.
FRÍR PRUFUTÍMI!
VOR 2025
Vorönn 2025 hefst mánudaginn 6. janúar og endar 31. maí. Í janúar býðst þér að kaupa alla önnina á sérstöku tilboðsverði: kr. 67.500.- hver mánuður kostar þá kr 13.500.-
Fyrsti tími er alltaf frír prufutími.
Þú ert velkomin/n í alla tíma í töflu. Engin skráning, ekkert vesen!
Verðskrá:
Stakur tími kr. 2500.-
2x í viku í 4 vikur kr 16.500.-
Ótakmörkuð mæting í 4 vikur kr 17.500.-
10 tíma kort sem gilda til 31. maí 2025 kr 21.000.-
Og janúartilboðið: 5 mánuðir á 67.500.-!
Munið að lesa yfir reglurnar hérna að neðan því þær teljast samþykktar við kaup á korti!
Amarayoga er þjónustuaðili hjá Virk, Starfsendurhæfingasjóði.
UM TÍMANA
Mjúkt flæði eru tímar sem henta öllum, jafnt byrjendum sem þeim sem hafa stundað jóga lengi. Hérna fáum við góðar teygjur í ró og næði, kyrrum hugann og fáum góða slökun á eftir.
Áherslan er á kyrrð í huga og ró í líkama. Það er eitt af einkennum þessara tíma að leitt er með orðum eingöngu eins og mögulegt er og forðast að trufla flæði fólks á dýnunni.
Núna er þetta eiginlega komið og ekkert að gera annað en að hafa samband eða mæta á staðinn! Þú mátt samt endilega við tækifæri lesa skilmálana hérna fyrir neðan, því þú telst hafa samþykkt þá þegar þú mætir á staðinn!
30x30 - heima:
Hér eru á ferðinni látlausir og jarðbundnir jógatímar fyrir venjulegt fólk. Hver tími er um það bil 30 mínútur og hægt er að kaupa aðgang að tímunum í 30 daga í senn. Áskriftin er snilld fyrir alla sem ná ekki að mæta á stöðina á föstum tímum, alla sem búa í einhverri fjarlægð frá stöðinni, alla sem eru í fríi og vilja vera með jógatímana sína í símanum, og eiginlega bara fyrir alla. Þetta eru rólegir og mjúkir tímar, kraftmeiri tímar, jóga nídra, og einn stólajóga tími.
Verð fyrir 1 mánuð kr 4.500.-
Skráðu þig á amarayoga@gmail.com.
Almennar reglur
Við kaup á námskeiði teljast eftirfarandi reglur samþykktar:
- Margir eiga við ofnæmi að stríða og hreint loft ætti að vera sjálfsagður hlutur þar sem við ræktum líkamann. Vinsamlega virðið aðra þátttakendur og forðist að mæta í tíma með ilmefni á líkamanum. Mætum einnig hrein og í hreinum fötum til að forðast sterka líkamslykt.
- Eftir að við höfum lagt dýnuna okkar á gólfið í salnum markar hún okkar rými. Við gætum þess að stíga ekki á annarra manna dýnur.
- Enginn á ákveðið pláss á gólfinu fyrir dýnuna sína og það sama á við í búningsklefanum.
- Virðum kyrrðina í salnum og höfum hljótt fyrir upphaf og eftir lok tíma. Það er sjálfsagt að spjalla saman fyrir utan salinn.
Skilmálar
Við kaup á námskeiði teljast eftirfarandi skilmálar samþykktir:
- Þátttakendur gera æfingarnar á eigin ábyrgð. Tímarnir eru rólegir og geta varla talist hættulegir, en hver og einn verður að bera fulla ábyrgð á eigin líkama.
- Athugið að námskeið eru ekki endurgreidd. Rýmið er takmarkað og þegar maður hefur fest sér pláss á námskeiði eru líkur á að einhver annar hafi ekki fengið pláss.
- Engin ábyrgð er borin á verðmætum og alltaf best að koma með sem minnst af slíku með sér í tíma.
