Nánar um Leið möntrunnar
Fyrir jógakennara og aðra fagaðila
Þetta námskeið hét áður Tantrayoga, en vegna tenginga í huga fólks við "neo-tantra" og kynlíf hefur nafninu verið breytt í Agama tantra - leið möntrunnar. Hér er á ferðinni námskeið um hefðir Indverja á tímabilinu í kringum 400-1200. Á því tímabili komu margar nýjar hugmyndir inn í heim jógans. Ritin sem geyma lýsingar hefðanna eru ýmist kölluð töntrur, agömur eða söfnin (samhitas).
Á þessu námskeiði skoðum við þessar hugmyndir og hvernig þær hefur þróast til dagsins í dag. Tantra var oft kallað "Leið möntrunnar" þar sem möntrur spila svo stórt hlutverk í aðferðunum. Við skoðum stækkun samkhya sköpunarkerfisins, innvígslur og fyrirferðarmiklar athafnir. Á þessu tímabili birtast gyðjurnar sem kvenhlið almættisins. Þær birtast sem shakti, eða kraftar.
Við skoðum hefðina eins og hún var og eins og hún hefur skilað sér til okkar í dag. Við skoðum möntrur og tilgang þeirra, yöntrur og tilgang þeirra, hvað puja er, diksha ofl. Við skoðum hvernig orkustöðvarnar voru upphaflega hugsaðar og hvernig við getum nýtt okkur þær við hugleiðslu. Við kynnumst gyðjunum, matríkunum og viskugyðjunum 10 og hvernig þær geta hjálpað okkur ef við viljum. Og við skoðum hvernig við getum nýtt okkur þessa gömlu hefð í jógatímum dagsins í dag.
Allt námsefni er innifalið.
Skipulag
Laugardaginn 24. október 2026 kl 10:00: Stuttur fundur á Zoom þar sem við kynnumst og förum yfir skipulag námsins. Kennsluvefurinn verður kynntur þar sem við höfum fyrirfram upptekna fyrirlestra.
Þessa fyrirlestra má hlusta á aftur og aftur meðan á náminu stendur.
Við hittumst svo að Helluhrauni 16, í húsnæði Listdansskóla Hafnarfjarðar:
7. - 8. nóvember 2026 - Mantra, mudra, Mahavidyas og fleira.
21. - 22. nóvember 2026 - Orkulíkaminn, nyasa, yantra, yagna og dhyana.
5. - 6. desember 2026 - Emmin fimm, puja og diksha.
Kennt er kl 12:00-18:00 á laugardögunum og kl 09:00-16:00 á sunnudögunum.
Verð kr. 120.000.- Við skráningu skal greiða kr 15.000.- og er að óafturkræft skráningargjald. Lokagreiðslan skal svo berast fyrir síðasta skráningardag, sem er föstudagur 28. ágúst 2026. ATH að einungis verða teknir inn 12 nemar!
Skráning fer fram gegnum amarayoga@gmail.com.
Þetta námskeið telst sem CE einingar hjá Yoga Alliance (60st) og er einnig hluti af 300 tíma framhaldsnámi Amarayoga.
Kennari: Ásta María Þórarinsdóttir, E-RYT500, YACEP
