UMGENGNISREGLUR VEGNA SÓTTVARNA, JANÚAR 2021

​

• Ef þú hefur einhver einkenni frá öndunarvegi mætirðu ekki í tíma. Þetta gildir jafnvel þó þú vitir að um annað en Covid sé að ræða.

• Grímuskylda gildir þar til þú hefur komið þér fyrir á dýnunni.

• Búningsklefar eru lokaðir. Nauðsynlegt er að mæta í æfingafötunum innanklæða og hafa með sér tösku undir annan fatnað sem geymist við hlið dýnunnar í sal.

• Virða skal 2 metra fjarlægðarregluna þegar gengið er inn, farið úr skóm og hendur sprittaðar. Þá er dýnu komið fyrir inna merkts ramma í sal. Hver og einn heldur sínum stað út námskeiðið/tímabilið.

• Komið með eigin dýnur og annan útbúnað ef mögulegt er.

• Eftir tíma eru lánsdýnur skildar eftir inní sal. Grímuskylda gildir þegar staðið er upp og gengið út. Virða skal 2 metra regluna á leiðinni út.

• Vinsamlega forðist snertingu á leið inn og út. Kennari opnar og lokar dyrum. Snertifletir eru sótthreinsaðir reglulega.

• Athugið að ekki er heimilt að geyma einkaeigur á staðnum, hvorki dýnur né vatnsbrúsa.

• ​

SVO ÞETTA GENGUR SVONA FYRIR SIG:

1. Þú mætir ca 5 mín áður en tíminn hefst, með grímu á þér og í æfingafötunum innanklæða. Hafðu helst með þér allt sem þú notar í tímanum. Hægt er að fá lánaða dýnu og kubba ef nauðsynlegt er, en helst notum við okkar eigin.

2. Þú ferð úr skónum og sprittar hendur. Ferð svo beina leið inní sal, á merkta plássið þitt.

3. Þú ferð úr yfirfatnaði og geymir í tösku við hliðina á dýnunni þinni.

4. Þegar þú ert tilbúin/n sestu niður á dýnuna og mátt þá fjarlægja grímuna.

5. Eftir tímann sprittarðu hendurnar – það verður sprittbrúsi við dýnuna – setur upp grímuna og undirbýrð brottför. Svo yfirgefur sá salinn sem er næstur hurðinni og síðan koll af kolli. Kennari gefur merki.

6. Þú ferð í skóna og beint út. Það er óheimilt að dvelja í móttökunni.

 

Ef allir fara vandræðalaust eftir þessum reglum hættum við að taka eftir þeim og getum einbeitt okkur að því að eiga góða og endurnærandi jógastund saman 😊